හංසමාලා රිටිගහපොළ සමඟ “මට මතකයි”

වැඩසටහන ශ්‍රවනය සහ බාගත කරගැනීම

මෙවර ජපුර රේඩියෝවෙන්,
“මට මතකයි” වැඩසටහනින් ඔබ හමුවට එන්නේ,
හංසමලා රිටිගහපොල කථිකාචාර්ය තුමියයි…

හංසමාලා රිටිගහපොල : ප්‍රමිලා අහන්නේ එක ප්‍රශ්නයයි….ඔයා මන් වෙනුවෙන් ජීවිතය දෙනවද කියල? ප්‍රමිලා අහන මේ ප්‍රශ්නෙට දස්කොන් දෙන පිළිතුර මම පුරුෂ සංහතියේ කිරීම පිරිමියෙකු ලබාදෙයි කියල බලාපොරොත්තු වෙන්නෙ නෑ හරිත…

විසැස්‌ කමලාව රස පහස නොවිඳ මා
දසිස්‌ දුනි පොරණ ඇස දුටු පමණට මා
වෙසෙස්‌ නුඹේ අමයුරු පහස ලත් පෙමා
මහිස්‌ එකක්‌ ගියෙ නම් නුඹෙ නමට කිමා

මේකෙන් කියවෙන්නේ හරිත මේ වගේ දෙයක් “දස්කොන් මතක් කරනවා, හිස් දහයක් තිබ්බ රවණා රජතුමා සිතාව ලංකාවට අරගෙන ඇවිල්ල ඇයගේ අතින්වත් අල්ලන්නේ නැතුව මරණයට පත් වෙනවා. හැබැයි මම එහෙම නෙවෙයි මම ඔබේ අමයුරු ස්පර්ශය ලැබුවා…එහෙම වෙච්චි එකේ මගේ එක හිසක් ඔබේ නමට ගියාම මොකද…”. මෙහෙම කියල ඔහු මරණයට බය නැතුව මුහුණ දෙනවා. මේ ප්‍රේමකතාව සම්බන්ධයෙන් තමයි වැඩිම ගීත ගණනාවක් අපේ ගේය පද සාහිත්‍යයට එකතු වෙන්නේ. වර්තමානයේත් ලියවෙනවා…

හරිත: රජ සැප නැත තුම් නුබේ පෙම මට තුම් …

හංසමාලා රිටිගහපොල : ඔව් එකත් එකක්, හැබැයි පලවෙනි ගීතය රචනා කරන්නේ මහාචාර්ය සුනිල් ආරියරත්න මහත්මයා. මට මතක මට දැනෙන ගීතය නිලා වික්‍රමසිංහයන් ගායන කරන ගීතයයි. මේ ගීතයේ වචන හරිම ප්‍රබලයි…

හරිත: ඔබට අනුව මේ ගීතය සර්ව සම්පුර්ණ ගීතයක් පද රචනය, ගීත ගයන මේ හැම දෙයක්ම් සම්පුර්ණයි

හංසමාලා රිටිගහපොළ : අනිවාර්යෙන්ම ඒ හැගීම්බර කටහඩත් එක්ක අපිට ප්‍රමිලගේ පාපොච්චාරණය දැනෙනවා, ඒ ආත්ම කථනය අපේ හිත තුලට දැනෙනවා…

දස්‌කොන් සකිසඳ ඉක්‌මන් ගමනින්
නොඑනා ගමනකි යන්නේ
සක්‌මන් මළුවේ බැඳි පෙම් තොරණේ
මල් දම් ගිලිහී යන්නේ…//

සියොළඟ හිමි ළඟ හදවත ඔබළඟ
සිත යන යන තැන එන්නේ…//
මතුදා ඔබ හමුවන්නේ…///

දස්‌කොන් සකිසද…//

ඔබ ළඟ නැතිමුත් ඔබගේ සුවඳයි
පවනේ පාවී එන්නේ…//
සයනේ සැඟැවී ඉන්නේ…///

පද මාලාව – මහාචාර්ය සුනිල් ආරියරත්න
තනුව – පණ්‌ඩිත් ඩබ්ලිව්. ඩී. අමරදේව
ගායනය – විශාරද නීලා වික්‍රමසිංහ

ඔබට සුවිශේෂී පුද්ගලයින් ඔවුන්ගේ අතීත මතකය අමරණිය කරගන්නට ඒ මතකයන් සමග යා කොට සිත්හි පරෙස්සමට තබාගත් ගී මතකයන් “මට මතකයි” වැඩසටහන ඔස්සේ අපි ඔබ වෙත ගෙන එනවා…